ANNAI  CHARITABLE  TRUST(ACT)

                “MY GRACE IS SUFFICIENT FOR YOU” 2 Cor. 12: 9 

                                                                                                                                   +91 95515 87701,+91 9940392816 

amlananthi@yahoo.com

HISTORY  வரலாறு

வாழ்வில் ஏற்படக்கூடிய துன்ப, துயர, கஷ்ட. இழப்பு நிகழ்வுகளை நாம் தவிர்க்க முடியாது. ஆனால் இந்நிகழ்வுகள் மனங்களைப் பாதிக்காதபடி மனதைச் சமநிலைப்படுத்தி வாழமுடியும். இந்நிகழ்வுகளுக்கூடாக வெற்றிகரமாகப் பயணம் செய்து, வாழ்வை இனியதாக்க வழிகாட்டும் நோக்குடன் டிசெம்பர் 8ம் திகதி 2010ல் ஆரம்பமானதே இந்த 'அன்னை அன்புப்பணி அறக்கட்டளை'(ANNAI CHARITABLE TRUST Reg. No. 1865 / 10)  80 G : C. No, 102 / 113 / CIT-11 / 2010-11.

VISION தூரநோக்கு

உள்ளம் என்பது ஒரு பரந்த தனிஉலகம். கடந்தகால நிகழ்வுகள், சமூகத் தாக்கங்கள், கற்பனைகள், கனவுகள் என எத்தனையோ இந்த உள்மனதை ஆட்டிப் படைக்கின்றுது. உளவள ஆலோசனைகள், ஆற்றுப்படுத்தல்கள் மூலம் வாழ்க்கை நெருக்கடிகளைப் புரிந்து, அவற்றுக்கு விடைகண்டு புதிய பாதையில் நம்பிக்கையோடு அடியெடுத்து வைக்க உதவுவதன் மூலம் நலமானதோர் சமுதாயத்தைக் கட்டியெழுப்புவோம்.

MISSION பணி

தனி மனித மனங்களில் உறங்கிக் கிடக்கும் ஆன்மீகப் பலத்தையும், மனப்பலத்தையும் தட்டியெழுப்பி, நலமான மனத்தோடு வாழ்க்கை நெருக்கடிககைச் சமாளிக்க மக்களோடு கைகோர்த்து நிற்போம்........... கை கொடுப்போம்........... கைதூக்கி விடுவோம்.........

MOTTO விருதுவாக்கு

செயற்பாடுகளில் மனதை ஒருநிலைப்படுத்தி அவை மக்களுக்கு உகந்ததாயிருக்க படைத்த  பரம்பொருளின் அருளோடு புது உலகம் படைப்போம்.

AIM நோக்கம்

நலமான மனதை உருவாக்கல்
நலமான சமுதாயத்தை உருவாக்கல்
நலமேவாழ வாழவாதாரப் பயிற்சிகள் மூலம் வாழ்வாதாரப் பயிற்சிகள், தொழில்களில்   மக்களை ஈடுபடுத்துதல்

NATURE இயல்பு

இந்த அறக்கட்டளையானது பரந்த நோக்கு உள்ளதும் ஆதாயம் தேடாததுமாகும்.  எனவே இதுதான் எம்பணி என்று குறுகிய வட்டத்தினுள் நிற்பது எமது நோக்கமல்ல. மக்களின் உடனடித் தேவைகளை முன்வைத்து எம்பணிகள் பரந்துபட்டு எல்லா வழிகளிலும் விரிவடைய வேண்டுமென விரும்புகிறோம். இலக்குகள் பலவாக இருப்பினும் அவற்றை ஒவ்வொன்றாக நனவாக்க முயல்வோம்.

 உள்ளத்தின் தூண்டுதல்கள்
உள்ளத்தில் எழும் நல்ல தூண்டுதல்களைக் கனவு காண்பதில் தவறேயில்லை. அப்படி நனவாக்கத் துடிக்கும் என் உள்ளத்தில் தூண்டுதல்கள் இவை. உரியநேரத்தில் இறைவன் செய்து முடிப்பார் என்பது என் நம்பிக்கை.

OBJECTIVES குறிக்கோள்

1.  அன்னை ஆற்றுப்படுத்தல் மையம்
2.  அன்னை ஆற்றுப்படுத்தல் கற்கை நெறி மையம்

3.  அன்னை இறுதிப்பயண தயாரிப்பகம்
4.  அன்னை மனநோயாளர் பராமரிப்பகம்
5.  அன்னை ஊனமுற்றோர் நலவாழ்வு மையம்
6.  அன்னை தியான மையம்
7.  அன்னை யோகா மையம்
8.  அன்னை நலவாழ்வு மையம்
9.  அன்னை குடும்பநல மையம்
10. அன்னை முதியோர் காப்பகம்
11. அன்னை சிறுவர் காப்பகம்
12. அன்னை சிறுவர் பாடசாலை
13. அன்னை பெண்களுக்கான விழிப்புணர்வு மையம்
14. அன்னை இளைஞருக்கான வாழ்வாதாரப் பயிற்சி மையங்கள்
15. ஓட்டுநர் பயிற்சிப் பள்ளி
16. அன்னை கணினி பயிற்சியகம்
17. அன்னை தையல் பயிற்சியகம்
18. அன்னை இசைப்பயிற்சியகம்
19. அன்னை விளையாட்டுப் பூங்கா
20. இலங்கை அகதிகள் முகாம்

01. அன்னை ஆற்றுப்படுத்தல் மையம்

   வாழ்வின் சுமைகளால், நெருக்கீடுகளால் சோர்ந்து போயிருக்கும் தனிநபர், குடும்பங்கள், குழுக்களுக்கு ஆற்றுப்படுத்தல் மூலம் உளச்சோர்விலிருந்து விடுபட உதவிசெய்தல்.

02. அன்னை ஆற்றுப்படுத்தல் கற்கை நெறி மையம்

     ஆற்றுப்படுத்துநர்களைப் பயிற்றுவித்தல்.
     உளவியற் கல்வியைக் கற்றுக் கொடுத்தல்.
     உளச்சிகிச்சை முறைகளைப் பயிற்றுவித்தல்.
     உளவளத்துணையின் அவசியத்தை உணர்த்துதல்

03. அன்னை இறுதிப்பயண தயாரிப்பகம்
    தீராத நோய்களுக்குள்ளாகி, வாழ்வின் இறுதி நேரத்தை எதிர் நோக்கியிருப்பவர்கள் குறிப்பாக எயிட்ஸ், புற்றுநோய், கசம் போன்றவற்றால் பாதிக்கப்பட்டவர்களுக்கு ஆற்றுப்படுத்தல், அன்பான கவனிப்பு மூலம் அவர்கள் தம் வாழ்வின் முடிவை மகிழ்வோடு எதிர் நோக்க உதவுதல்.

04. அன்னை மனநோயாளர் பராமரிப்பகம்
   மனநோயால் பாதிக்கப்பட்டவர்களுக்குத் தேவையான அன்பு, பராமரிப்புக் கொடுப்பதோடு, மனநல மருத்துவர்களின் உதவியை நாடி பாதிக்கப்பட்டவர்களுக்குத் தேவையான மருத்துவ உதவியளித்தல்.

05. அன்னை ஊனமுற்றோர் நலவாழ்வு மையம்
      ஊனமானது வாழ்வின் சாதனைகளுக்கும், சவால்களுக்கும் ஒரு காரணமல்ல. அவர்களாலும் சாதிக்க முடியும் என்னும் தன்னம்பிக்கையை உருவாக்குதல்.

06. அன்னை தியான மையம்
     உடல், உளச்சிக்கல்களிலும், நோய்களிலுமிருந்து விடுபட தியானம் ஒரு சிறந்த கருவியாகும். வாழ்க்கைப் பரபரப்புகளிலிருந்து விலகி, தேவையான சக்தியைப் பெற உதவி செய்வது.
   உடல், உளம், ஆன்மா இம்மூன்றும் இணைந்து, தம்மைப் படைத்த பரம்பொருளை அனுபவித்து வாழ உதவுதல்.

07. அன்னை யோகா மையம்
      உடல், உளநோய்களிலிருந்து விடுபட யோகா இன்னுமொரு சிறந்த கருவியாகும்.

08. அன்னை நல வாழ்வு மையம்

      ஆதரவற்ற, கைவிடப்பட்ட நோயாளர்களைக் கவனிப்பதும், தேவையான மருத்துவ வசதிகள் செய்து கொடுப்பதுமாகும்.

09. அன்னை குடும்பநல மையம்
   குடும்பங்களுக்குள் நிலவும் பிரச்சனைகள், சந்தேகங்களைத் தீர்க்கவும், குடும்பங்களைக் கட்டியெழுப்பவும் உதவுதல்.

10. அன்னை முதியோர் காப்பகம்

    ஆதரவற்ற, அன்புக்கு ஏங்குகின்ற முதியோர் தம் வாழ்வை அமைதியில் செலவிட உதவுவது.

11. அன்னை சிறுவர் காப்பகம்
   ஆதரவற்ற, அநாதைகளான, அன்பையிழந்த, அடக்கப்பட்ட, ஒடுக்கப்பட்ட குழந்தைகள், சிறுவர்களை ஆதரித்துப் பாதுகாப்பது.

12. அன்னை சிறுவர் பாடசாலை
      கல்வி மறுக்கப்பட்ட, வசதியற்ற, பெற்றோரை இழந்த சிறுவருக்கு அடிப்படைக் கல்விவசதி அளிப்பதோடு அவர்கள் வாழ்க்கைத்தரத்தை உயர்த்துவதாகும்.

13. அன்னை பெண்களுக்கான விழிப்புணர்வு மையம்
   பெண்கள் உளவியலைப் பின்பற்றி வாழ்வின் மாற்றங்களில் அவர்களுக்கு வரக்கூடிய உளச்சிக்கல்கள், எல்லா வழிகளிலும் அவர்கள் சந்திக்கின்ற சவால்களுக்கு முகம்கொடுக்க உதவுதல்.

14. அன்னை இளைஞருக்கான வாழ்வாதாரப் பயிற்சி மையங்கள்
      இளைஞர் வாழ்வில் வழிதவறிப் போய்விடாது, வாழ்க்கைச் சுமைகளைச் சந்திக்கக் கூடிய வாழ்வாதாரப் பயிற்சிகளைக் கொடுப்பதன் மூலம் வாழ்க்கைத்தரத்தை உயர்த்துதல்.

15. ஓட்டுநர் பயிற்சிப் பள்ளி

      வாழ்வாதாரப் பயிற்சிகளில் ஒன்றாகவும், உழைப்புக்கு ஒரு வழியாகவும் இது இருக்கும்.

16. அன்னை கணினி பயிற்சியகம்

  வாழ்க்கைத் தரத்தை உயர்த்தவும், கல்வியைத் தொடர உதவியாகவும், குறிப்பாக வசதியற்றோருக்கு உதவுதல்.

17. அன்னை தையல் பயிற்சியகம்
       ஆண், பெண் இருபகுதியனரதும் உழைப்புக்கு உதவியாக இப்பயிற்சி அமையும்.

18. அன்னை இசைப்பயிற்சியகம்

      கலையை வளர்க்கவும், உள இறுக்கங்களிலிருந்து விடுபட உதவியாகவும் இருக்கும்.

19. அன்னை விளையாட்டுப் பூங்கா

       உள இறுக்கங்களிலிருந்து விடுபட, ஓய்வு நேரங்களை மகிழ்வாகச் செலவிட, ஆற்றல்களை வளர்த்துக் கொள்ள உதவியாகவும் இருக்கும்

20. இலங்கை அகதிகள் முகாம்
      வாழ்வைத் தொலைத்துவிட்டு நிற்கும் மக்களுக்கும் இந்த அடிப்படைத் தேவைகள் கிடைக்க ஆவன செய்தல். இலங்கை அகதிகளுக்கு மட்டுமல்ல ஏனைய அகதிகளுக்கும், தாழ்த்தப்பட்டோருக்கும் தேவையுணர்ந்து உதவுதல்.

1. அன்னை ஆற்றுப்படுத்தல் பயிற்சி மையம்

2. அன்னை ஆற்றுப்படுத்தல் பயிற்சி மையம்

3. அன்னை குடும்ப ஆற்றுப்படுத்தல்  

4. அன்னை மாணவர்கள் ஆற்றுப்படுத்தல்

5. அன்னை குழந்தைகள் ஆற்றுப்படுத்தல்

6. அன்னை முதியோர் ஆற்றுப்படுத்தல்

7. அன்னை கர்ப்பிணி அன்னையர் ஆற்றுப்படுத்தல்

8. அன்னை நோயாளர் ஆற்றுப்படுத்தல்
 

01. அன்னை ஆற்றுப்படுத்தல் பயிற்சி மையம்

ஆற்றுப்படுத்தல் என்பது ஒரு கலை. என்னுள் ஏதோ நடக்கிறது, என்னவென்று தெரியவில்லை தலையைச் சுவரில் மோதிக் கொள்வோர் பலர். உன்னை நீ அறிந்து கொள்ள ... மற்றவரை நீ புரிந்து கொள்ள .... உன்னை நீ ஆற்றுப்படுத்த ..... மற்றவரை நீ ஆற்றுப்படுத்த .... உதவியாக ஆற்றுப்படுத்தல்களும், ஆற்றுப்படுத்தல் வகுப்புகளும்.

02.அன்னை ஆற்றுப்படுத்தல் பயிற்சி மையம்

ஓவ்வொருவர் வாழ்விலும் வெளியில் சொல்ல முடியாது ஏதோவொரு பிரச்சனை. மனதில் மறைந்து கிடக்கும் பிரச்சனைகள், உண்மைகள், குற்றஉணர்வுகளை யாரிடமும் சொல்லித் தீர்வுகாண முடியவில்லையே! தவிப்போர் பலர். உங்கள் தவிப்புகளிலிருந்து விடுபட உதவிகள் வழங்கப்படுகிறது. உளப்போராட்டங்களை மனம் திறந்துபேச, போராட்டங்கள், மனச்சோர்வுகளிலிருந்து விடுபட, விடுபடும் வழி வகைகளை கண்டுகொள்ள உளநல ஆலோசனைகள் வழங்கப்படும்.

03. அன்னை குடும்ப ஆற்றுப்படுத்தல்

    குடும்பத்தில் கணவன், மனைவிக்கிடையில் பிரச்சனை. குழந்தைகள் வாழ்வு சீரழிகின்றது. மணமுறிவுதான் தீர்வா? குடும்பத்தின் குறைகள் நீக்க அன்னை குடும்ப ஆற்றுப்படுத்தல் மையம் உதவுகிறது.
 

 04. அன்னை மாணவர்கள் ஆற்றுப்படுத்தல்

     படிக்க முடியவில்லை, படித்தது மனதில் நிலைப்பதாயில்லை, மனதை ஒருநிலைப்படுத்தி கல்வியில் கவனம் செலுத்த உதவிகள் வழங்கப்படுகிறது.

05. அன்னை குழந்தைகள் ஆற்றுப்படுத்தல்

    குழந்தைப் பருவ அனுபவங்கள் ஆழமன மனப்பதிவுகளை உருவாக்கக்கூடியது. பெற்றோர், உறவினர், ஆசிரியர், நண்பர் போன்றோரிடமிருந்து பெறும் நேர்மறை அனுபவங்கள் எப்படி ஒருவரை உருவாக்கக் கூடியதோ அதேபோன்று குழந்தைக் கால எதிர்மறை அனுபவங்கள் அவர்கள் வாழ்வை பாதிக்கக் கூடியது. இப்படிப்பட்ட அனுபவங்களினால் ஏற்பட்ட பாதிப்பான உணர்வுகளிலிருந்து விடுபட உதவிகள் அளிக்கப்படுகிறது.

06. அன்னை முதியோர் ஆற்றுப்படுத்தல்

       வாழ்க்கைக் காலம் முடிந்து விட்டது. எம்மை எவரும் கவனிப்பதாயில்லை. வயதாகி விட்டதால் எதையும் சாதிக்க முடியவில்லை. இக்கடைசிக் காலத்தில் என்ன செய்வதென்று தெரியவில்லை. காலம் மிகக் கொடுமையாயுள்ளதே என ஏங்கும் முதியோருக்கு ஆறுதலும், எஞ்சிய காலத்தைப் பயனுள்ள விதத்தில் செலவிட உதவிகள் வழங்கப்படுகிறது.

07. அன்னை கர்ப்பிணி அன்னையர் ஆற்றுப்படுத்தல்

    கருத்தாங்கி இருக்கும் வேளை ஏற்படக் கூடிய மன அழுத்தங்கள், பிரச்சனைகள் தாயை மட்டுமல்ல கருவிலிருக்கும் சேயையும் பாதிக்கக் கூடியது பாதிப்புகளிலிருந்து விடுபட்டு ஆரோக்கியமான குழந்தையை பெற்றெடுக்க உதவிகள் அளிக்கப்படுகிறது.

08. அன்னை நோயாளர் ஆற்றுப்படுத்தல்
      வாழ வேண்டிய வயதில் வாழமுடியாமல் நோயாளியாகி, அடுத்தவருக்கு பாரமாகிவிட்டோமே என்னும் ஏக்கமும், எதிர்பாராத நோயால் வாழ்வை தொலைத்து விட்ட அதிர்ச்சியிலிருந்து மீளமுடியாமல் தவித்து நிற்போரின் தவிப்பை, ஏக்கத்தை நீக்க உதவுகிறது.

உள்ளம் என்பது பரந்து விரிந்து கிடக்கும் ஒரு தனி உலகம்!

கடந்த கால நிகழ்வுகள், சழூகத் தாக்கங்கள், கற்பனைகள், கனவுகள் என்று
எத்தனை, எத்தனையோ அந்த உள்மனத்தை ஆட்டிப் படைக்கின்றன!!

அன்னை ஆற்றுப்படுத்தல் மையம் அவைகளைப் புரிய உங்களுக்கு உதவுகிறது.
புதிய பாதைகளில் நம்பிக்கையோடு அடியெடுத்து வைக்க உங்களை ஆற்றுப்படுத்துகிறது!!

 வருக! வளம் பெறுக!

1.நீங்களும் உதவலாமே? (Skills of Couselling)

ஆற்றுப்படுத்தல் என்பதும் ஒரு கலை தான். நீங்கள் வாழும் பகுதிகளில் 'யாராவது என்னைப் புரிந்து கொள்ளமாட்டார்களா?' 'யாராவது எனக்கு வழிகாட்ட மாட்டார்களா?' என்று ஏங்குவோர், தத்தளிப்போர் பலர் இருப்பர். ஆற்றுப்படுத்தலின் நுண்திறன்களை நீங்கள் அறிந்து கொண்டால் நல் மனதுள்ள நீங்கள் பல்வேறு வழிகளில் அவர்களுக்கு உதவ முடியும். அந்த நுண்திறன்களை அறிய, வளர்க்க இந்த வாய்ப்பு உதவும்.

2. கை கோர்ப்பாய்! என் இனிய உள்ளமே (Stages of Development)

உடலில் ஏற்படும் மாற்றங்களோடும், வளர்ச்சியோடும், உள்ளத்தால் பல வேளையில் ஒத்துப் போக முடிய வில்லை. குழப்பமே நம்மை ஆட்கொள்கிறது. இது பற்றிய புரிதலுக்கும், தன்னையே அறிதலுக்குமான ஓர் அரிய வாய்ப்புதான் இந்த நாட்கள்.

3.ஆட்டிப்படைக்கும் உணர்வுகளை ஆட்கொள்வோம்!

உணர்வுச் சிக்கலில் உலகம் மாட்டிக் கொள்கிறது. நம் உள்ளமும் பல வேளைகளில் மாட்டிக் கொள்கிறது. உணர்வுகளைப் புரியவும், கையாளவும் நெறிப்படுத்தவும், அவைகள் நம்மை எப்படி ஆட்டிப் படைக்கின்றன என்பதையும் அறிய இந்த நாட்கள் இனிய நாட்களாய் அமையும்.

4. உளமருத்துவ சிகிச்சை முறைகள் (Psycho Therapies in Couselling )

உணர்வுச் சிக்கல்களால் ஏற்படுகின்ற ஆழமான காயங்களை உளமருத்துவ முறையில் குணப்படுத்துவது எப்படி என்பதை அறிந்து உங்களை நீங்கள் குணப்படுத்திக் கொள்ளவும், மற்றவரைக் குணமாகக்கவும் உதவும் வழிவகைகள்.

5. உன்னைத் தேடி, உள்மனக் குழந்தை, ( Inner Child)
குழந்தையாய் நாம் இருந்த போது நாம் சந்தித்த நிகழ்வுகள், காயங்கள் இன்றும் நம்மில் தாக்கத்தை ஏற்படுத்திக் கொண்டு இருக்கின்றன. அவைகளை இனம்கண்டு, புரிந்து, ஏற்றுக்கொண்டு குணம் பெற்று வாழ்வது அற்புதமான ஒரு வாழ்வுக்கு அடிகோலும்.

உடனடித் தேவைகள் :

அறக்கட்டளை ஆரம்பிக்க ஒரு இடம்.
தேவைகளை நிறைவு செய்ய ஒரு வாகனம்.
உடனடியாக ஆரம்பிக்கக் கூடிய செயற்திட்டங்களுக்கான இடமும், பொருட்களும். 
 

Download Bamini Tamil Font

Download the trust documents...